Статут на здружението


	Здружението „ЗОРА“ на седница одржана на ден 15.07.2001 донесе С Т А Т У Т ОПШТИ ОДРЕДБИ член 1 Со Статутот на Здружението се уредуваат: Име Седиште Цели, задачи, облици и начин на дејствување Органи на управување и нивен избор Стекнување и располагање имот Претставување и застапување Начин и известување на членството член 2 Здружението е доброволна невладина и непрофитабилна организација за помош на протераните Македонци од Арачиново. член 3 Здружението не може да врши политички активности или да користи свој имот и средства за остварување на цели на политички партии. член 4 Програмата и дејствување на здружението не можат да бидат насиочени против: - Насилно уривање на уставниот поредок на Р. Македонија - Разгорување на национална, расна или верска омраза. член 5 Здружението е самостојна во организирање и остварување на своите цели, интереси и активности утврдени сo Статут. Здружението своите права, должности и одговорности ги остварува согласно Уставот, Законите и овој Статут. ИМЕ И СЕДИШТЕ член 7 Името на организацијата гласи: „Здружена организација на растераните од Арачиново“ , во понатамошниот текст „ЗОРА“ . член 8 Седиштето на Здружението е во Скопје на ул. Петар Георгиев бб, МЗ Автокоманда. член 9 Здружението има свој печат и штембил. Печатот има тркалезна форма во која е содржано името на Здружението, а штембилот е со форма на правоаголник во кој покрај ознаката за бројот и датумот, го содржи и називот на Здружението. ЦЕЛИ И ЗАДАЧИ Евидентирање на растераните Македонци од с.Арачиново - Скопско во настаните од месец Јуни 2001 Ќе работи на итно помагање на растераните Македонци од с.Арачиново Организирано прифаќање на растераните Македонци од с.Арачиново Нивно организирано сместување во приватни, државни и други центри Пружање неопходна помош и организирање т.е. транспорт до најблиските медицински центри Снабдување со лекови и медицинска опрема Задоволување со основни прехрамбени продукти Снабдување со облека , ќебиња и сл. Снабдување со најосновните средства за лична хигиена Остварување на контакти со сите надлежни државни органи и институции во изнаоѓање на соодветно решение за станбените проблеми на растераните Македонци од с.Арачиново Би се обезбедиле парични средства за нивна изградба или Би им се доделиле веќе изградени станови Обезбедување парични средства за обновување на нивната покуќнина Остварување на контакти со Македонците од дијаспората за нивно вклучување во остварување на целите на организацијата Остварување на контакти со меѓународни хуманитарни организации и фондации за обезбедување на материјални и финансиски средства за остварување на целите на организацијата Ќе обучува волонтери за остварување на целите и задачите на организацијата Ќе издава соопштенија, а по потреба и публикации за прашањето на растераните Македонци од с.Арачиново, и ќе отвара семинари и конференции за известување на утврдените факти Ќе ги извршува сите проекти за да се постигнат целите и задачите на организацијата член 10 Јавноста во работата на организацијата се обезбедува на тој начин што по потреба организацијата издава званични соопштенија за јавностa. ВНАТРЕШНА ОРГАНИЗАЦИЈА член 11 Највисок орган на Здружението е Собранието на организацијата и го сочинуваат сите членови од основачкото собрание, кое се одржува најмалку еднаш годишно. Собранието може полноправно да работи ако на него се присутни најмалку две третини од вкупниот број на основачи, а одлуките ги донесува со просто мнозинство. член 12 Собранието на организацијата го свикува претседателот на организацијата најмалку еднаш годишно. Свикувањето се врши 30 дена однапред до доставување на потребните писмени материјали за точките од дневниот ред на Собранието. По исклучок собранието може да се одржи и порано, како вонредно ако тоа го побара Претседателот на Управниот одбор, Претседателот на организацијата или 1/5 од основачите во рок од 14 дена од доставувањето на писмениот предлог. член 13 Собранието на Здружението ги врши следните работи: Избира Претседател на организацијата Избира управен одбор Избира благајник Донесува статут на организацијата и негови измени и дополненија Избира надзорен одбор кој ќе врши контрола над финансиското работење на Здружението Донесува други одлуки од важност за Здружението Донесува одлука за престанок на Здружението член 14 Статутот неговото изменување и дополнување како и одлуката за престанок на здружението се донесува со двотретинско мнозинство. член 15 Одлуките на собранието се донесуваат со јавно гласање, а за определени прашања може да се одлучува и со тајно гласање секој член на собранието има право на по еден глас. член 16 Здружението ќе соработува со организации, здруженија и сојузи со слична активност во Р. Македонија член 17 Управниот одбор го избира Собранието на Здружението за време од 3 години со право на повторен избор, а се состои од Претседател и 3 члена член 18 Управниот одбор ги врши следните работи: Ги подготвува седниците на Собранието Го подготвува нацрт Статутот и другите одлуки кои треба да го донесе Собранието Ја спроведува политиката, заклучоците и одлуките донесени на Собранието Располага и одговара за имотот на организацијата Подготвува годишен или периодичен извештај за својата работа пред Собранието и е одговорен пред Собранието За својата работа донесува деловник Формира работни тела и врши контрола врз нивната работа Обезбедува нужни материјални средства за работа член 19 Одредбите предвидени за начинот за одлучување на Собранието се применуваат и за начинот на одлучувањер на Управниот одбор член 20 Здружението има свој Претседател и Заменик Претседател кој ги избира Собранието со мандат од 3 години со право на уште еден мандат. Претседателот и Заменикот Претседател за својата работа се одговорни пред Собранието на Здружението член 21 Претседателот ги има следните обврски: Го претставува и застапува Здружението во земјата и странство Се грижи за работата на Собранието и на Управниот одбор Ја следи и помага реализацијата на програмите на Собранието и на Управниот одбор Ги потпишува актите и другите документи од надлежност на Управниот одбор и Собранието Се грижи за спроведување на ставовите, заклучоците, препораките и одлуките на Управниот одбор и Собранието За својата работа е одговорен пред Собранието Во случај на отсутност на Претседателот, Заменикот Претседател ги има истите права и обврски. Потпишувањето на жиро сметката на Здружението како и на девизната сметка на Здружението е со потпис на Претседателот на организацијата и Заменикот Претседател. член 22 Надзорниот одбор го избира Собранието на организацијата за време од 3 години со право на повторен избор, а се состои од 3 члена. член 23 Надзорниот одбор ги разгледува периодичните пресметки за извршување на финансискиот план и завршната сметка на собранието за секоја година, врши контрола на финансиско-материјално работење, ја оценува законитоста за наменско трошење на средствата и предлага соодветни мерки и решенија пред Управниот одбор и Собранието на организацијата. член 24 Надзорниот одбор по потреба присуствува на седниците на Управниот одбор и на Собранието. Надзорниот одбор за својата работа е одговорен пред Собранието на организацијата. член 25 Управниот одбор избира благајник на организацијата. член 26 Благајникот на здружението го води целокупното благајничко работење за потребите на организацијата со претходно одобрение Претседателот и Заменикот Претседател на организацијата за што сочинува периодични и годишни финансови извештаи кои ги доставува до Управниот одбор и Собранието. член 27 Своите приходи, Здружението ги стекнува од прилози, подароци од физички и правни лица, од државата, други институции, фондации , спонзорства и сл., а пристигаат на жиро или девизна сметка. член 28 Со средствата располага Управниот одбор на „ЗОРА“. ПРЕОДНИ И ЗАВРШНИ ОДРЕДБИ член 29 Измените и дополнувањата на овој Статут се вршат по иста постапка како и при неговото донесување, се донесуваат со двoтретинско мнозинство од вкупниот број на основачкото Собрание. член 30 * Здружението се основа на неопределено време * Здружението може да престане ако така одлучи основачкото Собрание со дветретинско мнозинство * Ако Уставниот Суд на Р. Македонија донесе таква одлука * Ако се утврди дека здружението престнало со работа * Во други случаи предвидени со Закон член 31 Здружението престанува и : * Ако работи спротивно на одредбите од член 3 и 4 од Законот за здруженија на граѓани и фондации * Ако работењето не е во согласност со Статутот член 32 * За своите обврски сторени во правниот промет со трети лица, Здружението одговара со сиот свој имот, права и средства * Основачите не одговараат со својот имот за обврските што ќе ги стори Здружението со својата работа * Во случај на престанок на работа на Здружението, стекнатите средства се пренесуваат во сопственост на МПЦ. член 33 За толкување на одредбите на овој Статут надлежно е основачкото Собрание. член 34 Органите на Здружението за својата работа се одговорни пред Собранието. член 35 Овој Статут влегува во сила на денот на неговото донесување.